ROXAS CITY – Pilason ang tatlo ka mga menor-de-edad matapos nga ginaalegar na-side swipe sang top down nga motorsiklo sa Barangay Libas, Roxas City.
Ginkilala ang suspek nga si Jason Abayon, 27-anyos, sang Purok 3, sang amo nga barangay.
Sandig sa inisyal nga imbestigasyon sang mga katapo sang Roxas City Police Station, nga samtang ginamaneho ni Abayon ang top down nga motorsiklo aksidente sini nga na-sideswipe ang tatlo ka mga menor-de-edad nga nagalakat sa kilid sang karsada.
Nag-angkon naman sang pilas sa lawas ang tatlo ka mga biktima nga gilayon naman gindala sa ospital para sa nagakaigo nga pagbulong.
Suno kay Punong Barangay Richard Arrojado nga yara sa idalum sang impluwensya sang makahulubog nga ilimnon si Abayon.
Temporaryo naman ginkustodiya ang suspek para sa nagakaigo nga disposisyon.
