-- ADVERTISEMENT --
ROXAS CITY – Ginkompirmar sang punong barangay sang Barangay Baybay, Roxas City nga tatlo ka mga residente sang ila lugar ang nakapauli gikan sa isla sang Boracay.
Ginpahayag ni Punong Barangay Reynaldo Magallanes, ang nasambit nga mga locally-stranded individuals ang nagapaidalom na sa karon sa quarantine sa Don Conrado Barrios Memorial School sa nasambit nga lugar.
Apang ginpahayag sini nga duha pa lamang sa mga ini ang yara sa amo nga buluthuan bangud ang isa ang yara naka-quarantine sa Barangay Inzo Arnaldo kag natalana pa nga isaylo sa ila barangay.
Gindugang pa sini nga apat pa ka mga LSI’s nga magaabot sa ila barangay gikan sa Palawan kag duha pa gid gikan naman sa Carles, Iloilo.
