Dakop ang tatlo ka persona nga ginapakabig wanted sa kaso nga Attempted Homicide sa Barangay Loctugan syudad sang Roxas.
Ginkilala ang mga akusado nga sanday alyas alyas “Reymark”, 27-anyos, alyas “Carlo”, 18-anyos, kag alyas “Bence”, 30-anyos, lunsay mga residente sang Sitio Riles, Barangay Lanot, Roxas City.
Natigayon nga madakpan ang amo nga mga persona matapos ini nga ginserbihan sang warrant of arrest sang mga kapulisan sa nasambit nga lugar.
Ang warrant of arrest ang ginpapanaog kag ginpermahan ni Hon. Aida Raissa T. Espinosa, Municipal Trial Court, Sixth Judicial Region, Branch 4, Roxas napetsahan Pebrero 3, 2025.
Samtang, yara naman sa balor P36,000 kada isa sa mga nasambit nga akusado ang ginrekomendar nga pyansa sang korte para sa ila temporaryo nga kahilwayan.
