ROXAS CITY – Dakup sa akto nga nagapatigayon sang iligal nga pagpangisda ang tatlo ka mga mangingisda sa kalalawran nga sakup sang banwa sang Panay.
Ginkilala ang mga nadakpan nga sanday Remondo Beloa, 47-anyos, Felix Dasal, 47-anyos kag Ernesto Lusano, 50-anyos lunsay mga residente sang Brgy. Barra Roxas City.
Nakuha sa ila posisyon ang isa ka unit sang fishing boat, duha ka motor engine, 25 ka mga fish cage nga ginatawag “timing” kag 10 kilos sang nagkinalain-lain nga mga isda.
Ginbayular sang mga mangingisda ang Municipal Ordinance 03-02 series of 2003 nga magapangatubang sang nagakaigo nga penalidad.
Sa karon, yara na ang mga ini sa kustodiya sang Municipal Environment and Natural Resources Office (MeNRO) – Panay para sa nakaigo nga disposisyon.
