ROXAS CITY – Nagpositibo sa drug test ang tatlo ka mga persona nga nadakpan sa ginkasa nga drug buybust operation sang Provincial Drug Enforcement Agency (PDEA) Capiz sa Barangay VII sini nga syudad.
Ginkilala ang mga arestado nga sanday Buenvenido Genoves (target), 43- anyos, residente sang Brgy. Banica, Roxas City, Manuelyn Alcazaren, 24- anyos, kag residente sang Barangay Bolo, Roxas city, kag Ranil Delos Santos, 35- anyos, residente sang Poblacion banwa sang Pilar.
Matandaan nga nakuha sa posesyon sang mga nadakpan ang 9 ka sachet sang ginapatihan shabu kag ginabulubanta nga may street value nga P105,000.
Natalana nga pasakaan sang panumbongon nga paglapas sa RA 9165 ukon “Comprehensive Dangerous Drugs Act of 2002” ang nasambit nga mga persona.
