-- ADVERTISEMENT --
NGHE AN, VIETNAM- Patay ang tatlo ka indibidwal samtang isa ang nadula matapos ang malapnagon nga pagbaha sa probinsya sang Nghe An, Vietnam bangud sa ulan nga tuga sang Bagyo Wipha.
Isa sa mga napatay ang natabunan sang landslide, samtang ang isa pa ang gin-anod sang makusog nga sulog sang tubig baha.
Masobra sa 3,700 ka mga puluy-an man ang nalubog sa baha kag 459 pa ang nasira bangud sa mabaskog nga hangin. Nasira man ang 1,600 ektarya sang ulumhan kag 1,290 ektarya sang iban pa nga pananom.
Samtang, nagpaandam ang national weather agency sang Vietnam nga posible nga magab-ot sa 250mm ang ulan sa mga masunod nga adlaw, nga mahimo magtuga pa sang mas malala nga pagbaha kag pag-collapse sang duta sa mga apektado nga rehiyon.
