3 persona, gin-aresto matapos nagtuga sang kinagamo sa Arnaldo Blvd., Brgy. Baybay

ROXAS CITY – Gin-aresto sang mga kapulisan ang tatlo ka mga persona matapos nagtuga sang kinagamo sa Arnaldo Blvd., Barangay Baybay, Roxas City.

Ang mga naaresto ang ginkilala nga sanday Elmar Lozada, 21 anyos; James Alaegre, 20 anyos; kag James Armentero, 24 anyos, lunsay residente sang nasambit nga lugar.

Base sa nakuha nga impormasyon sang Bombo Radyo, nagatuga sang kinagamo ang nasambit nga mga persona sa lugar, nagapanghaboy sang bote kag nagbutang pa sang mga bato sa tunga sang dalan.

Gin-dakop ang mga ini sang naga-roving nga mga katapo sang Roxas City Police Station kag Barangay Peacekeeping Action Team (BPAT) sang nasambit nga barangay.