ROXAS CITY – Pilason ang tatlo ka mga persona kalakip na ang isa ka isa ka tuig nga bata sa pagbungguanay sang salakyan kag tricycle sa Barangay Manhoy, Dao, Capiz.
Ginkilala ang pilason nga mga biktima nga sanday Joseph Artuz, 39 anyos, sang Barangay Agcabugao, Cuartero, Roy Palomar, 45 anyos sang Passi City, Iloilo kag wala na ginhingadlan nga bata.
Sa inisyal nga imbestigasyon sang mga kapulisan, natukiban nga samtang ginasubay ni Emetrio Peralta, sang probinsiya sang Aklan, ang nasambit nga lugar sakay sa iya nga salakyan, maga-overtake tani ini sa tricycle nga ginamaneho ni Palomar apang nagatuyo man nga mag-overtake si Palomar sa tricycle sa unahan sini nga ginamaneho ni Artuz rason nga nagbunggo ang salakyan ni Peralta sa tricycle ni Palomar kag nagbunggo man ang tricycle ni Palomar sa tricycle ni Artuz.
Nahulog sa uyapad ang tricycle ni Artuz rason nga nag-angkon man sang pilas ang sakay sini nga isa ka tuig nga bata.
Lunsay ginpangdala sa ospital ang mga biktima agud madapatan sang nagakaigo nga pagbulong.
