Ginpatay sang pwersa sang Israel ang mga 30 ka mga Palestinian samtang nagahulat sila sang humanitarian aid sa northern Gaza base sang civil defense ministry nga base sa civil defense ministry nga ginapadalagan sang Hamas.
Suno sa tigpamaba sang Gaza civil defense, 300 ka iban pa nga mga indibidwal ang napilasan man sa pagpangluthang sang pwersa sang Israel.
Apang sa bahin sang Israeli Defense Forces (IDF), ginsiling niya nga ang ila mga pwersa nagpalupok lamang sang mga warning shots pagkatapos nga nagtipon ang mga Palestinian sa mga aid truck tatlo ka kilometro gikan sa Zikim crossing.
Suno sa iya, blangko sila kun may casualty sa pagpalupok sang IDF.
Gin-athag man sang IDF nga isa ka pamahog sa ila tropa ang pagtipon sang ila ginatawag nga mga suspetsado rason nga ginhambalan sila nga magpalayo kag sang ulihi nagpalupok sang warning shots gikan sa distansya nga ginatos ka metros ang kalayuon sa distribution center.
Ginpanginwala man sang Israel ang pagpatuman sang mga pagdumili sa pagsulod sang bulig sa Gaza, kabaliskaran sa mga pangangkon sang European Union kag sang United Nations.
Suno sa isa ka tigpamaba sang Gaza civil defense, 300 pa ka mga indibidwal ang napilasan man sa pagpalupok sang pwersa sang Israel.
Apang suno sa direktor sang al-Shifa Hospital sa Gaza City, Mohammed Abu Salmiya, ang ila pasilidad nakabaton sang 35 ka mga bangkay kasunod sang insidente.
Sang ulihi, ginkumpirmar sini nga 48 ka mga Palestinian ang napatay.
Suno sa datos sang Hamas health ministry, masobra 60,000 ka mga Palestinian ang napatay sa pag-atake sang Israel sa Gaza halin sang Oktubre 7, 2023, lakip ang masobra 18,000 ka kabataan kag masobra 9,000 ka mga kababainhan.
