ROXAS CITY – Dakop ang 31 anyos nga lalaki sa ginkasa nga drug buybust operation sang mga katapo sang Station Drug Enforcement Team sang Roxas City Police Station, Provincial Drug Enforcement Unit sang Capiz Police Provincial Office kag Philippine Drug Enforcement Agency sa Barangay Tanza, Roxas City.
Ginkilala ang nadakpan nga si Leo Aguil, residente sang Barangay Culajao, sining siyudad.
Kalakip sa narekober sa drug suspek ang 1 ka cellphone, wallet, motorsiklo, 2 ka sachets sang ginapatihan shabu nga may market value nga P2, 000 kag P500 nga buybust money.
Suno kay Police Lieutenant Colonel Ricardo Jomuad Jr., hepe sang Roxas City PNP, halos duha ka semana nila nga gin-monitor si Aguil antes ginkasa ang nasambit nga operasyon.
Ginpahayag pa sini nga kalakip man sa Directorate for Intelligence (DI) list ang nasambit nga drug suspek.
Samtang, nagpamatuod naman si Barangay Kagawad Marites Bergantino nga indi sang residente sang ila barangay ang nadakpan nga drug suspek.
Suno diri nga bag-o niya gid lamang ini nakita kag gindugang pa sini nga hugot man nila nga gina-monitor ang mga drug surrenderees sang ila nga barangay.
