ROXAS CITY-Pilason ang 32-anyos nga babayi matapos nga ginaalegar aksidente nga mabungguan sang multi-cab ang ginamaneho nga motorsiklo sa Barangay Dinginan, Roxas City.
Ginkilala ang biktima nga si Anne Margaret Santos, residente sang nasambit nga lugar.
Sandig sa inisyal nga imbestigasyon sang Traffic Section sang Roxas City Police Station nagaguwa nga maliko na kuntani ang biktima sang aksidente ini nga mabungguan sang nagasunod sa iya nga multi-cab nga ginamaneho ni Randy Adame, 37-anyos isa ka negosyante kag residente sang Barangay Balijuagan sining siyudad.
Bangud sini, nag-angkon sang pilas sa magkatuhay nga porsyon sang kalawasan ang biktima nga gilayon naman nga gindala sa Capiz Emmanuel Hospital kag padayon nga ginabulong.
Samtang nakaangkon naman sang guba ang duha ka mga vehikulo.
