Arestado ang 32-anyos nga lalaki matapos ang ginpatigayon nga drug buybust operation sa Barangay Linao, Panay Capiz.
Sa nakuha nga impormasyon sang Bombo Radyo nagikan kay PCPT Ronald Tonogan, hepe sang Panay PNP, ginkilala ang nadakpan kay alyas “Marvin”, residente sang Barangay Marita, President Roxas, Capiz.
Nakuha sa paghinakop sang suspek ang 8 sachets sang ginapatihan nga shabu kun sa diin ang 7 sini ang nakasulod sa pouch nga itom, nga may ginabulubanta nga kabug-aton nga 80 gramos kag nakuha man ang kapin P15,000.00 nga marked money.
Dugang pa ni Tonogan, naglab-ot na sa tatlo ka semana ang ginhiwat nga surveillance sang mga kapulisan sa suspek antes ini nga natigayon nga madakpan.
Sa karon, yara na ini sa kustodiya sang Panay MPS para sa nagakaigo nga disposisyon.
