ROXAS CITY-Nagdihon sang petisyon ang 33 ka mga pamilya nga hugot nga nagapamatuk sa pagpahamtang sang barangay quarantine faciity para sa mga magapauli nga mga Locally Stranded Individuals (LSI’s) sa daan nga barangay hall sa Sitio Crossing Barangay Sibaguan, Roxas City.
Ginpahayag ni Joy, tuman ka delikado nga pahamtangan sang quarantine facility ang amo nga lugar bangud madamo sang mga panimalay nga malapit mismo sa pasilidad.
Gindugang pa sini nga madamo sang mga katigulangan kag mga kabataan sa nasambit nga lugar.
Ginakahangaw-an sini nga kun may magpositibo nga LSI, madamo ang posible nga malatnan.
Magluwas dri, nagakahangawa man ini sa ikaayong lawas sang mga LSI’s bangud tuman ka init sang quarantine facility nga ginapalibutan sang mga tela kag mga panapot.
Samtang ginkadismaya naman ni Joy sang nagreklamo ini sa mga barangay officials bangud kasubong nga wala na sila sang mahimo natuhoy sa iya ginpalab-ot nga reklamo.
