ROXAS CITY – Pilason ang apat ka mga indibidwal kalakip na ang isa ka menor de edad sa pagbungguanay sang duha ka mga motorsiklo sa Arnaldo Blvd., Barangay Baybay, Roxas City.
Ginkilala ang mga napilasan nga sanday John Berlandino, 34 anyos, backrider sini nga anom ka tuig ang edad, Vincent Alianza, 28 anyos, driver sang isa pa ka motorsiklo kag backrider sini nga si Rizalie Bauron, 28 anyos.
Base sa inisyal nga impormasyon, samtang ginasubay nanday Berlandino ang nasambit nga lugar sakay sa iya ginamaneho nga motorsiklo sang nagtuyo ini nga magliko apang nabungguan sang nagasunod nga motorsiklo nga ginamaneho ni Alianza.
Bangud diri, lunsay natumba ang duha ka motorsiklo sa karsada rason nga nag-angkon sang mga pilas sa lawas ang mga sakay sini.
Gilayon naman nga ginpadapatan sang nagakaigo nga pagbulong ang mga pilas nga naangkon sang mga ini.
