ROXAS CITY – Pilason ang apat ka mga indibidwal kalakip ang isa ka menor de edad kag PNP member matapos nagbungguanay ang motorsiklo kag trisikol sa Barangay Tiza, Roxas City.
Ginkilala ang mga biktima nga sanday Rey Almonguera 48-anyos driver sang tricycle kag residente sang Barangay Dayao Roxas City kag mga pasahero nga sanday Anielyn Bisnar 50-anyos, Nova Paglinawan 32-anyos kag isa ka 11-anyos nga menor de edad lunsay mga residente sang Tumanon St., Barangay Tiza, Roxas City.
Base sa imbestigasyon sang Roxas City PNP maga-liko na kuntani ang tricycle nga ginasakyan sang mga biktima sa isa ka federoad sang aksidente nga nabungguan sang motorsiklo nga ginamaneho ni Demson Detablan 26-anyos sang Barangay Cabangahan, Panit-an, Capiz.
Bangud sa aksidente nag-angkon sang pilas ang driver sang tricycle, mga pasahero kag ang driver sang motorsiklo kag ginpadangat sila sa ospital agud madapatan sang pagbulong ang ila nga mga samad.
