41 anyos nga lalaki nga akusado sa kaso nga pagpanghimulos, arestado sa Barangay Dayao 

ROXAS CITY -Arestado ang 41-anyos nga lalaki matapos nga ginserbehan sang warrant of arrest sang mga katapo sang Maayon Municipal Police Station sa Puente Acuña Subdivision, Barangay Dayao, Roxas City.

Ginkilala ang arestado nga si Gerald Dila, 41-anyos residente sang Barangay Palaguian, Maayon, Capiz.

Kaso nga pagpanghimulos kag act of lasciviousness ang ginapangatubang ni Dila kun sa diin ang iya warrant of arrest ang ginpirmahan ni Hon. Presiding Judge Faustino Roxas sang Regional Trial Court Roxas City Hall of Justice.

Sa karun nakahunong na sa karsel sa Maayon Municipal Police Station ang nasambit nga arestado.