41 pilason sa airstrike sang Russia sa Kharkiv region

Pilason ang 41 tanan ka tawo matapos ang ginhiwat nga airstrikes sang Russia sa Kharkiv region sa Ukraine.

Kalakip sa mga pilason ang lima ka bata nga ginpadangat ang mga ini sa ospital.

Naguba naman ang madamu nga mga establisyemento kasubong sang merkado, sports complex kag pila ka mga residente.

Ginkondina ni President Volodymyr Zelensky ang insidente kun sa diin isa ka klase sang terorismo ang ginhimu nga ini sang Russia bangud naulamid ang mga sibilyan.

Nagapadayon ang ginahimu nga pag-rescue sang mga otoridad bangud sa duda nila nga may pila ka mga natabunan nagikan sa narumpag nga establisyemento.