-- ADVERTISEMENT --
Dakop ang isa ka babayi matapos ginserbihan sang warrant of arrest sang mga kapulisan sa Pob. Ilaya Panay, Capiz.
Ginkilala ang akusado kay alyas Renelyn, 43-anyos kag residente sang Brgy. Pawa, Panay, Capiz.
Sa impormasyon nga nagikan sa Panay Municipal Police Station, nagapangatubang sa kaso nga Qualified Theft ang nasambit nga akusado.
Ang warrant of arrest ang ginpapanaog kag ginpirmahan ni Acting Presiding Judge Hannibal Rivera Patricio, sang Municipal Circuit Trial Court, 6th Judicial Region nga napetsahan sadtong Hulyo 26, 2024.
Ginrekomendar naman sang korte ang P24,000 nga piyansa para sa temporaryo sini nga kahilwayan.
Sa karon, yara na sa kustodiya sang Panay PNP ang akusado para sa nagakaigo nga disposisyon.
-- ADVERTISEMENT --
