Ginkakibot sang pamilya sang 43-anyos nga mister nga ginluthang-patay sa Barangay Hipona, Pontevedra, Capiz ang natabo sa ila himata.
Suno kay nanay Emie, tiya sang biktima, mabuot ang iya hinablos kag wala ini sang may natandaan nga may nakaaway nga tawo.
Dugang pa sini nga wala man nakamuno ang biktima sa iya pamilya nga may pagpamahog ini sa iya kabuhi ukon may kontra.
Matandaan nga ginkilala ang biktima kay Charlie Beseo nga residente sang Barangay Solo sa nasambit nga banwa.
Mahibaluan nga dead on the spot si Beseo matapos mag-angkon sang patal nga pilas sa ulo tuga sang pagpangluthang sang wala pa makilan-an nga suspek gamit ang .45 caliber nga armas-luthang.
Sa karon may yara na sang person of interest ang mga kapulisan kag nagapadayon ang imbestigasyon sang Pontevedra PNP subong man hot pursuit operation batuk sa mga suspek.
