Liwat naman nga nangbiktima ang isa ka babaye nga anay suspek sa kapareho nga kaso sang pagpangawat sa isa ka balaligyaan sa Plaridel Street. Barangay VIII syudad sang Roxas.
Ginkilala ang biktima kay alyas Lydia, 79-anyos, negosyante samtang ang ginatudlo suspek amo si alyas “Gina”, 44-anyos kag residente sang Barangay Bancal, Carles, Iloilo City.
Sa interview sang Bombo Radyo kay alyas Lydia, ginapahayag nga mahamuok ang iya nga tulog sang natabo ang tuyo nga pagpangawat sang isa ka babaye sa iya balaligyaan sang itlog kag saging.
Pahayag pa ni nanay Lydia, bag-o siya nagtulog ginhigot niya ini sang maayo ang trapal nga gintabon sa iya balaligyaan kag sa sulod ini nagatulog.
Nagapati ini nga gintuyo utod ang higot sang amo nga trapal rason nga nakasulod sini ang iya nga lawas kag gintinguhaan nga kuhaon kun tani ang iya bentahan apang wala ini nahigayon.
Nakabatyag nalang ang amo nga tindera sang ginpukaw na sang security guard nga nagaroving sa lugar nga bukas na ang iya pwesto.
Sang nahibaluan na ni nanay Lydia ang nahitabo nagduda ini kag gilayon nga ginlantaw ang CCTV camera kag didto nakita ang tuyo nga pagkab-ot sang isa ka babaye sa iya bentahan nga nakabutang malapit man sa iya ginatulugan.
Dugang pa nga nadakpan sang security guard ang amo nga babaye kag didto nahibaluan nga may yara pa ini sang ginkawatan sa nasambit nga merkado kag ginapahayag suspek pa sa pagpangawat sa isa ka balay sa Barangay Banica sining syudad nga nataban sini ang P3,000 kag ATM card.
