46-anyos nga lalaki, arestado matapos ginserbihan sang warrant of arrest sa syudad sang Roxas

Arestado ang 46-anyos nga lalaki matapos ginserbihan sang warrant of arrest sang mga kapulisan sa Barangay Lawaan, Roxas City.

Ginkilala ang akusado kay alyas “Jeff” kag residente sang Barangay Punta Tabuc, sining syudad.

Nahibaluan nga nagapangatubang sa panumbungon nga Grave Oral Defamation ang nasambit nga akusado kun sa diin ang warrant of arrest ang ginpapanaug kag gin-isyu ni Hon. Kathleen Delantar sang Municipal Trial Court in Cities, Branch 2, Roxas City nga napetsahan sadtong Enero 10, 2025.

Samtang, nakapiyansa naman ini matapos nabayaran ang ginrekomendar sang korte nga P18,000 para sa temporaryo sini nga kahilwayan.