ROXAS CITY – Nagparekord sa pulisya ang isa ka 47-anyos nga lalaki matapos nga ginaalegar ginpahog kag ginduro-duro sa Barangay Culasi, Roxas City.
Ginkilala ang tagreklamo nga si Darwin Dela Cruz sang nasambit nga lugar.
Sandig sa ginpabalhag sang tagreklamo, ginaalegar gin-harass ini sang mag-utod nga sanday Leon Almalbis alyas Dodoy Bakla kag Botyog Almalbis alyas Toto Mark sang nasambit man nga lugar.
Nahibaluan nga ginbadlong lamang sang tiayon sang tagreklamo ang mga ginareklamo nga pahinaan ang volume sang sound system bangud nagatuon ang ila mga kabataan apang wala nagpati ang mga ini rason nga nag-angkon sang indi pag-intiendihanay ang magtimbang nga bahin tubtob nga naglab-ot sa punto nga ginpahog ini ni Leon nga patyon.
Bangud diri, ginpakamaayo na lamang sang tagreklamo nga ipabalhag sa pulisya ang insidente.
