ROXAS CITY – Nagpablotter sa pulisya ang isa ka 49-anyos nga persona matapos nga ginaalegar na-motornap ang iya ginapanag-iyahan nga motorsiklo sa Barangay II, Roxas City.
Ginkilala ang tagreklamo nga si Bobby Borlando sang nasambit nga lugar.
Sandig sa ginpabalhag nga reklamo sang mga kapulisan nga ginbilin lamang sini nga naka-park sa diin pagbalik na sini nadiskubrehan niya na lamang nga wala na iya ang motorsiklo sa lugar.
Magluwas sa motorsiklo, gintaban man sang wala matumod nga suspek ang isa ka sako sang bugas nga nahamtang man sa motorsiklo.
Samtang, nakuha naman sa akto sang CCTV footage ang pagtaban kag pagmaneho sang suspek sang amo nga motorsiklo sang biktima subongman ang isa ka sako sang bugar.
Bangud diri, ginpakamaayo na lamang sang biktima nga ipabalhag sa pulisya ang insindente.
Padayon naman ang imbestigasyon sang mga kapulisan agud matumod ang nasambitan nga suspek.
