ROXAS CITY – Ginhinyo sang Punong Barangay sang Barangay Olotayan ang lima ka mga persona nga ginapahayag kulto nga nagpangsunog sang imahe kag rebulto sang Santos nga respetuhanay lang sang relihiyon kasubong man sa pagsulod sa ila nga Barangay.
Sa interview sang Bombo Radyo kay PCMS Ramil Arcangeles, PIO- Roxas City PNP, ginpahayag sini nga nagpalab-ot sang reklamu ang isa ka concern citizen sa Police Station sang Roxas City nahanungod sa pag-abot sang mga di kilala nga mga persona nga nagpadulong sa ila barangay agud maghimo sang indi sa maayo.
Pahayag pa sini nga ginpakamaayo sang Punong Barangay nga si Hon. Manuel ‘Bongbong’ Aninang nga sa Police Station na sila mag-atubangay sang mga ini sa atubang mismo sa Hepe sang syudad kaupod ang iban pa nga mga opisyales sang amo nga barangay.
Rason nga ginpatawag ni Aninang ang mga ini agud mahinalaan ang ila ginhimo nga pagpangsunog sang imahe, didto kag naghatag sang kondisyon ang punong barangay kun sa diin ginapadelete sini ang ginpost nga video sa social media bangud masakit ini sa balatayagon sang mga tumuluo.
Dugang pa ni Arcangeles nga nagpaguha sang kalain sang buot ang Punong Barangay sa 5 ka mga persona sa paghimo sang inyo maayo kag wala sang respeto sa pagsulod sini sa ila nga Barangay rason nga ginhinyo sini nga kun pananglitan man nga magsulod ini ukon magbalik sa lugar mag-agi anay sa iya.
Wala naman sang planu pa nga magpasaka sang kaso ang punong barangay sa mga ini kag luyag lang sini nga mangin malinong ang ila lugar.
Samtang nagpangayo naman sang pasaylo ang mga ini kay Punong Barangay Aninang sa ila nahimo nga pagpangsunog sa imahe kag rebulto.
