ROXAS CITY-Kapin sa 500 ka mga pumuluyo ang wala pa mahatagan sang tunga sa sako nga bugas nga ginpanagtag gikan sa City Government sa Barangay Libas, Roxas City.
Sa pagpangusisa sang Bombo Radyo sa City Social Welfare and Development Office ukon CSWDO, may yara pa sang kapin sa 500 ka pumuluyo ang wala nakabaton sang bugas nga ginpa-apas sa listahan sang mga barangay officials sa nasambit nga talatapan.
Ginpahayag naman sang CSWDO nga padayon ang ila validation para sa mga indibidwal nga makabaton sang tunga sa sako nga bugas.
Matandaan nga ginpahayag ni Mr. Perseus Cordova nga 21 lang ang wala nakabaton sang nasambit nga bugas sa amo nga barangay.
Samtang, naglab-ot na sa 1,900 ka mga pumuluyo ang nakabaton sang tunga sa sako nga bugas sa una nga hugnat sang pag-panagtaganay.
