-- ADVERTISEMENT --
Roxas City – Nagparekord sa Roxas City Police Station ang isa ka 53-anyos nga mister matapos ginaalegar ginpahug nga patyon sang wala matumod nga persona sa Barangay Lanot, Roxas City.
Suno kay Rafael Alejaga nga nakabaton ini sang tawag sa cellphone gikan sa wala matumod nga persona sa diin ginaalegar ginpahug ini nga patyon.
Ginpahayag pa sang tagreklamo nga nagagamit sang nagkalain-lain nga numero ang suspek nga ginagamit sa pagtawag sa iya.
Bangud diri, ginpakamaayo na lamang sang tagreklamo nga ipa-rekord sa pulisya ang insidente.
