Narekord sang Office of the Civil Defense (OCD) ang 53 ka mga lugar sa walo ka mga rehiyon nga ginbaha sang damlag lang nga bagyo.
Suno kay OCD officer-in-charge Rafaelito Alejandro IV, narekord ang pagbaha sa mga lugar sa Ilocos Region, MIMAROPA, Bicol Region, Western Visayas, Central Visayas, Zamboanga Peninsula, Soccsksargen kag Caraga.
Suno man sa isa ka opisyal sang OCD, 26 pa ka mga lugar ang nagapabilin nga nalumos sa tubig baha.
57 naman ka mga seksyon sang dalan kag anum ka mga tulay ang apektado sang Bagyong crising.
Samtang, ginkumpirmar naman sang Provincial Disaster Risk Reduction and Management Office of Antique ang pagkilala sang duha ka mga residente nga ginreport nga missing sa nagluntad nga flash floods sa ila lugar. Ang mga biktima lunsay residente man sang Sitio Banglid sa Barangay Bacalan.
