-- ADVERTISEMENT --
ROXAS CITY – Yara na sa isa ka punerarya ang bangkay sang 59-anyos nga mangunguma matapos nakuryente-patay sa Sitio Buay-buay, Barangay Malonoy, Dumarao, Capiz.
Ginkilala ang biktima kay Eduardo Facto Jr., kag tumandok sang Barangay Mansilingan, Bacolod City apang nagapuyo sa nasambit nga barangay.
Sandig sa inisyal nga imbestigasyon sang ma katapo sang Dumarao MPS, nga papuli na kuntani ang biktima nagikan sa iya ulumhan alas-4:00 sang hapon sang Pebrero 10, apang nakalabay ini sa nagalaylay nga wiring sang electric motor.
Ginapahayag nga open wire ang amu nga kable nga amu ang gintunaan sang iya pagkakuryente.// Ginpadangat pa ini sa Rural Health Unit, apang gindeklarar nga dead on arrival sang doktor.
