61 anyos nga rider, patay sa head-on collision sang mga motorsiklo

Patay ang 61 anyos nga rider matapos magbunggoanay ang iya ginamaneho nga motorsiklo sa isa pa ka motorsiklo sa Barangay Cabaruan, Urdaneta City, Pangasinan.

Gindeklara nga dead on arrival ang biktima sa ospital bangud sa pilas nga naangkon sang iya nga ulo.

Pilason naman ang duha ka sakay sa isa pa ka motorsiklo kag gindala sa ospital.

Suno kay Police Captain Vladimir Lalas, investigation officer sang Urdaneta City Police Station, lunsay wala sang suksok nga helmet ang mga involved sa insidente.

Dugang pa sini, posible nga wala makalkula sang mga motorista ang dalan rason sang head-on collision.