-- ADVERTISEMENT --
ROXAS CITY – Nabalhag sa banwa sang Mambusao ang labing una nga biktima sang palupok sa diin naggamit ini sang improvised boga, pila ka adlaw antes ang paskwa.
Ini ang ginkumpirmar ni Mr. Joeffrey Espiritu, Development Management Officer IV sang Department of Health Capiz sang mainterview sang Bombo Radyo.
Suno diri, ang biktima isa ka lalaki naga-edad 7-katuig kag nag-angkon sang pilas sa mata bangud sa pagpalupok sang ginadumilian nga palupok.
Sa karon, yara na sa istable nga kondisyon ang biktima matapos ginpadangat sa Mambusao District Hospital.
Pahanumdom sang DOH sa publiko, maghalong kag likawan ang mga palupok agud makaselebrar sang kumpleto kag luwas ang bilog nga pamilya.
-- ADVERTISEMENT --
