Pilason ang isa ka 7-anyos nga bata matapod ini mabiktima sang palupok sa Sitio Tacay, Barangay Astorga, banwa sang Dumarao, Capiz.
Ang biktima amo si alyas Nicole, 7 anyos kag residente sang amo nga lugar.
Suno sa report, ginpahayag nga ang palupok nga “kamara” ang nagtuga sang kahalitan kun sa diin ginpulot ini sa ugsaran sang ila nga tupad-balay.
Sang iya na kuntani nga pagasindihan, gulpi lang ini naglupok samtang ginakaptan pa sini.
Bangud sini, nag-angkon sang burn injuries ang biktima sa iya sini nga ring finger kag middle finger sang iya tuo nga kamot, lakip na sa upper chest kag tuo nga hita.
Gilayon man nga gindala sa ospital ang biktima agud mahatagan sang nagakaigo nga pagbulong.
Padayon man panawagan sang mga otoridad sa publiko, labi na sa mga ginikanan, nga mangin mabinantayon kag indi pagpasugtan nga maghawid ang mga kabataan sang bian ano nga klase sang palupok.
