-- ADVERTISEMENT --
Nasapwan patay ang isa ka 70-anyos nga lalaki sa iya puluy-an sa Sitio Alba, Barangay Dinginan, Roxas City.
Ang biktima amo si alyas ‘Albing’ kag residente sang amo nga lugar.
Sandig sa report sang Roxas Component City Police Station, ang lawas sang biktima ang nakit-an sang iya umagad nga gilayon man nga nagtawag sa mga kapulisan.
Madasig man nga nagpadulong ang Scene of the Crime Operatives (SOCO) para sa forensic investigation sang crime scene samtang ang preliminary findings naga-indikar sang natural o indi klaro nga rason sang kamatayon samtang ginaproseso ang lawas.
Sa subong, yara na ang lawas sang biktima sa isa ka punerarya kag ginapreparar nga igapauli sa ila nga puluy-an.
