-- ADVERTISEMENT --
ROXAS CITY – Tuman ang kaakig sang walo ka 4Ps beneficiaries sa ila nga parent leader matapos nahibaluan nga ginprenda sini sa isa ka negosyante ang ila nga atm cash card.
Ginreklamo sa Roxas City PNP ni Mary Grace Besana sang Barangay Libas, Roxas City si Alma Perlas bangud gintago sa ila ang pagprenda sini sang ila nga atm cash cards sa negosyante nga Jovy Anisco nga nagpatong sang 20 porsyento nga interes.
Ginhatag kay Perlas ang pagkostodiya sa mga atm cards sang mga members sang 4Ps para indi ini maprenda.
Apang ila na lamang ginkakibot sang mahibaluan nga mismo ang ila ginsaligan nga parent leader ang magatunto pa sa ila.
