ROXAS CITY – makaluluoy ang nadangatan sang walo ka tuig nga estudyante matapos natapakan sang elf truck sa atubang sang eskwelahan sang Venancio Alba Elementary School sa Barangay Bolo, Roxas City.
Wasak ang tiyan ni alyas Matthew, Grade 2 pupil sang nasambit nga eskwelahan.
Ba-se sa imbestigasyon sang mga pulis hinali nga nagtabuk sa karsada ang biktima samtang naga-akto pa lamang sang pagpapundo sa nagaagi nga mga sasakyan ang BPAT member na-assign sa nasambit nga area.
Bangud sa mabaskog nga impact sang pagkabunggo sa biktima nagsuhot pa ini sa idalum sang trak rason nga natapakan sang goma sang elf truck nga gina maneho ni Benjie Guzman sang Barangay Tiza, Roxas City.
Sa karon yara na sa kostodiya sang pulisya ang suspek driver samtang gindala na sa punerarya ang bangkay sang biktima.
