CAPIZ – Ginpaathag sang Capiz Electric Cooperative (CAPELCO) ang rason sa mga nabilin nga lugar nga wala pa mabalik ang supply sang kuryente matapos mag-igo ang bagyo Opong sa probinsya.
Sa interview sang Bombo Radyo kay Engr. Edgar Diaz, General Manager sang CAPELCO, iya ginpahayag nga 85% na nga kuryente ang na-restore samtang 15% ang nabilin nga wala pa.
Suno kay Diaz, kinahanglan anay ma-usisa ang safety sang mga pumuluyo, technical team kag matsekyar ang halit sa propedad antes mabalik ang kuryente.
Apang pahayag niya, ginatinguhaan na sang mga personnel sang CAPELCO nga ma-amat amat balik ang supply sang kuryente sa nabilin nga 15% nga naga-eksperyensya pa sang power interruption.
Nagpangayo man sang pasaylo kag paghangop si Engr. Diaz sa mga Capiznon bangud ginasiguro lamang sang talatapan nga indi na madugangan pa ang kahalitan kag makatuga sang peligro sa kabuhi rason nga gina-id idan ang pagbalik sang supply sang kuryente.
Nahibaluan nga ang electrification level sang Capiz ang nagalab-ot sa 94% sa diin katumbas ini sang 178,000 ka mga panimalay ang may koneksyon sang kuryente.
