-- ADVERTISEMENT --
ROXAS CITY – Pilason ang siyam ka tuig nga bata matapos aksidente nga nabungguan ang ginasakyan nga motorsiklo sang isa ka motorsiklo sa Legaspi St., Barangay 2, Roxas City.
Nag-angkon sang pilas sa lawas ang menor de edad bangud sa aksidente.
Sa inisyal nga imbestigasyon sang pulisya nagaguwa nga ginsugat ni Alfie Binondo 33-anyos sang Andrada Subdivision, Barangay Banica, sining syudad ang anak sa eskwelahan kag samtang ginasubay sang mag-amay ang dalanon, hinali sila nabungguan sang motorsiklo nga ginamaneho ni Jacques Acuña 43-anyos sang Arnaldo Boulevard.
Gilayon nga ginpadangat sa ospital ang biktima agud madapatan sang nagakaigo nga pagbulong ang kapilasan nga naangkon.
