Nagapabilin nga missing ang Pito ka mga tawo matapos nag-collapsed ang 12- story building sa Kenya.
Base sa report, gina-construct ang building sang hinali nga nag-collapsed ang idalom nga bahin sini antes narumpag ang bug-os nga structure, samtang naga-obra ang mga trabahador sa ibabaw nga panalgan.
Suno kay Interior Ministry Official Kipchumba Murkomen 66 sa 67 ka mga trabahador sa konstruksyon sa building ang nakaguwa nga luwas, samtang ang isa nag-angkon naman sang pilas sa lawas.
Padayon ang search and rescue operations sa lugar, apang ang posibilidad nga mabuhinan ang supply sang hangin sa mga nalubong sa tion nga nagagamit sang heavy digging machinery ang nangin hangkat sa mga rescuers.
Samtang, ang insidente nagtuga sang liwat nga kahadlok sa kalidad sang konstruksyon kag pagsunod sa mga pagsulundan sa Kenya, pagkatapos nga si Nairobi Governor Sakaja Johnson nagsiling nga ang mga tag-iya sang building wala sang kinahanglanon nga mga dokumento agud tugutan sila nga ma-okupar.
