Ginpasalig sang Samahang Basketbol ng Pilipinas nga indi na masulit ang indi maayo nga kampanya sang Gilas Pilipinas sa bag-o lang natapos nga 20th Asian Games sa Nagoya, Japan.
Suno kay SBP chairman emeritus Manny Pangilinan, indi mabaton ang performance sang national team matapos nga napaslawan nga makasulod sa knockout stage kag nakatapos lamang sa ika siyam nga pwesto sa 12 ka teams.
Gin-ako ni Pangilinan nga kuntani nagbulig ang SBP kay head coach Tim Cone sa pagtukod sang mas mabakod nga team agud mapabilin ang pwesto sang Pilipinas sa mga top basketball teams sa Asya.
Ginhatagan man niya sang importansya nga dapat gamiton sang pungsod ang mas relax nga polisa sa paggamit sang mga naturalized players kag Fil-foreign players sa Asian Games.
Samtang, ang masunod nga Asian Games ang natalana nga hiwaton sa Doha, Qatar, sa tuig 2030 ukon 2031, samtang ginatun-an pa sang Olympic Council of Asia ang iskedyul sang torneo.
