-- ADVERTISEMENT --
Ginkilala ang international pop star nga si Taylor Swift bilang pinakabata nga inductee sa Nashville Songwriters Hall of Fame sa USA.
Sa iya acceptance speech, gindumdom ni Swift kon paano ginporma sang Nashville ang iya gugma sa pagsulat sang kanta kag nagserbe nga pundasyon sang iya music career.
Ginpakigbahin sang singer-songwriter nga nagsugod siya sa pagsulat sang mga kanta sang bata pa siya kag natun-an niya ang importansya sang padayon nga pag-ensayo agud labi pa nga mapasangkad ang iya talento.
Nagpasalamat man ang Grammy-winning artist sa pagkilala nga nabaton, kag ginhatagan pagtamod nga magapabilin nga isa ka importante nga bahin sang iya proseso ang mga leksyon nga iya natun-an sa Nashville.
