-- ADVERTISEMENT --

Mas daku nga kantidad sang cash remittances halin sa mga overseas Filipino workers (OFW) ang naitala sang Pilipinas sang Setyembre 2026 kumpara sa amo man nga bulan sang nagligad nga tuig.

Suno sa report sang Bangko Sentral ng Pilipinas (BSP), nag-abot sa 3.20 billion dollars ang kantidad sang kwarta nga ginpadala sang mga OFW sang Setyembre. Mas mataas ini kumpara sa 3.12 billion dollars nga naitala sang Setyembre 2025.

Nanguna ang Estados Unidos bilang pinakadaku nga ginhalinan sang mga padala nga nag-ambag sang 39.8 porsyento sang kabug-usan nga kantidad.

Ginsundan ini sang Singapore nga may 7.1 porsyento kag Saudi Arabia nga may 6.4 porsyento.

Suno sa BSP, daku nga bulig sa adlaw-adlaw nga kinahanglanon sang mga pamilya sa Pilipinas ang padayon nga pag-abot sang kwarta halin sa mga OFW. Nagabulig man ini sa pagpalig-on sang negosyo kag ekonomiya sang pungsod.

-- ADVERTISEMENT --

Gindugang pa sang BSP nga nagapakita ini sang importante nga kontribusyon sang mga OFW sa padayon nga pag-uswag sang ekonomiya sang Pilipinas.