-- ADVERTISEMENT --

TANZA SUR, Panay, Capiz – Arestado ang isa ka lalaki sa iligal nga pagpataya sa Barangay Tanza Sur, Panay, Capiz.

Ang suspek amo si alyas Justin, 25- anyos, residente sang Barangay Milibili, Roxas City, Capiz.

Sa interview sang Bombo Radyo kay Police Captain Eric B Deocampo, Officer in Charge sang Panay Municipal Police Station, iya ginpahayag nga naaktuhan sang kapulisan ang suspek nga nagapataya sang iligal nga bookies.

Suno kay Deocampo nakuha man sa posisyon ni aluas Justin ang isa ka armas sang kag base sa pagberipikar sang kapulisan sa Firearms and Explosives Office “FEO”, wala ini sang balido nga lisensya.

Pahayag pa niya ang pagbiolar sa Presidential Decree PD 1602 as ammended by RA 9287 ukon ang Anti-illegal Gambling Law kag Republic Act 10591 ukon ang Comprehensive Firearms and Ammunition Regulation Act.

-- ADVERTISEMENT --

Sa karon, nahibaluan nga ginpaidalom man sa inquest proceedings ang samtang yara na ini sa kustodiya sang Panay MPS para sa nagakaigo nga disposisyon kag pagpasaka sang kaso.