ROXAS CITY – Nagpahadumdum ang acting city elections officer sang commelec sa syudad sang Roxas sa mga kandidato nga nagapapili sa siyudad nga mag file na sang ila mga statement of contributions and expenditures ukon SOCE sa commelec.
Sa exclusive interview sang Bombo Radyo Roxas kay Atty. Hazel Palencia Acting Election Officer sang commelec nga wala pa ni isa sa 43 ka mga kandidato nga nagapapili sang 2019 midterm elections ang nakatigayon nga makafile sang ila mga SOCE.
Apang ginpabutyag sini nga may pila ka mga kandidato nga nagaproseso na sa karun sang ila mga SOCE.
May yara man nga nagatuyo magfile apang kulang sang excel format sa ila mga soft copy sang SOCE.
Ginpahayag pa sini nga kinahanglan nga wala nag over spend ang isa ka kandidato agud indi madiskwalipika.
Nagpaandam naman si Atty. Palecia nga ma yara sang nakaigo nga penalidad sa mga mapaslawan nga magfile sang SOCE tobtob sa deadline sini sa Hunyo 13, 2019.
Ang nagdaog nga kandidato ang indi pagpahanugotan nga makapungko sa ila posisyon kun wala maka-file sang SOCE.
Gin-athag ni Atty. Palencia nga mangin ang mga napierdi nga kandidato ang olbligado sa gihapon nga magfile sang SOCE.
