ROXAS CITY – Indi pa makahatag sang opinyon ang bag-o pungko nga Regional Director sang Police Regional Office 6 kun pabor ini ukon indi sa ginaduso nga pagbag-o sa pension system sang military kag uniformed personnel.
Sa pahayag ni PBGen. Sydney Villaflor, ginsiling sini nga temprano pa agud magkomentar bangud plano pa lamang ang pagbuhin sa porsyon sang ila suweldo para sa ila pensyon.
Apang, positibo ini sa posible may mga maayo nga bahin ang Bill kaangay sa pagpatuman sang non-financial remuneration nagikan sa amu nga deduction, kaangay nalang sa paghatag sang mga discounts sa mga Retiree nga ginahatag sa karon sa pila ka mga sibilyan nga pensyoner.
Sa karon nga wala pa sini mabasahan ang draft sang Bill, indi anay ini maghatag sang iya ideya angut sa amu nga plano.
