Padayon nga naga-init ang romantic life sang aktres nga si Kathryn Bernardo matapos ini nakit-an sa Thailand upod si Lucena Mayor Mark Alcala.
Nagguwa sa social media ang mga litrato nanday Kathryn kag Mark nga nagauyatay sang kamot samtang nagalakat sa isa ka mall sa Bangkok, Thailand nga nagtuga sang pila ka bulan nga espekulasyon kon bala may relasyon sila nga duha.
Una diri, nakit-an ang duha nga magkaupod sa Suvarnabhumi Airport sa Thailand kag ginpahayag nga nagbisita sa isa pa ka syudad nga Chiang Mai.
Nagpost man si Kathryn sang video sang iya pagbiyahe sa Instagram.
Tubtob subong, wala pa sang opisyal nga pahayag nanday Kathryn kag Mark nahanungod sa mga espekulasyon sa ila relasyon, nga nagsugod sang 2025 sang una sila nga nakita nga magkaupod sa publiko.
