Ginpakamalaot sang netizens ang aktres nga si Liza Soberano matapos ang iya mensahe sa mga nagapatigayon sang hublag protesta batuk sa mga contractor nga naangot sa maanomaliya nga flood control projects sa Pilipinas.
Nagpabor si Liza sa panawagan ni Pasig City Mayor Vico Sotto nga likawan nga mangin bayolente sa tion sang mga hublag protesta.
Matandaan nga sang damlag lang, nagpatigayon sang hublag ang pila ka mga tawo sa atubang sang St. Gerrard Construction sang pamilya Discaya, sa diin pila ka mga protesters ang naghaboy sang lutak kag bato, kag nagsulat sang “kawatan” sa gate sang building.
Suno kay Liza, kinahanglan nga maprotektahan man ang safety sang mga inosente nga tawo.
Pahayag sang netizens, daw kaangay nga ginaapinan pa ni Liza ang mga naangot sa kurapayon.
Gin-athag naman sang aktres nga ordinaryo lang nga mga trabahador ang iya ginatumod.
