Ginpakigbahin sang AFP Chief of Staff General Romeo S. Brawner, Jr. ang ila prayoridad para sa tuig 2025.
Kalakip sa ila mga prayoridad amo ang padayon nga modernisasyon sang armadong kusog; pagpauswag sang mga ikasarang sa depensa, kag pagtukod sang mabakod nga presensya sa estratehiko nga mga lugar sa pungsod.
Ginhimo ni Brawner ang pahayag sa tion sang tuigan nga tingub nga tradisyonal nga bag-ong tuig nga panawagan.
Liwat nga ginpamatud-an ni Brawner ang pangako sang AFP nga amligan ang teritoryo kag pangapinan ang aton pungsod.
Ginhatagan pagtamod sang Hepe sang Armadong Kusog sang Pilipinas nga pabaskugon sini ang iya naval, aerial, ground kag cyber capabilities nga nagatuyo sa pag-amlig sang aton mga manggad kag bisan ang teritoryo sang pungsod.
Ginhatagan pagtamod ni Brawner nga ang tanan nila nga mga tikang nagasanto sa internasyonal nga kasuguan.
Kon madumduman, ang pondo sang Defense Department sa idalom sang 2025 national budget gin-utod halin sa P50 bilyones pakadto sa P35 bilyones.
Sa pihak sang pagnubo sang ila budget, nagapadayon sa gihapon ang programa sa modernisasyon sang AFP para sa tuig 2025 sa idalum sang Horizon 3.
