ROXAS CITY – Gindugukan sang madamo nga indibidwal ang Hearts Day sa Roxas City public plaza sa pagpanikasog sang Roxas City government.
Katuyuan sini nga makahatag sang enjoyment sa mga pumuluyo nga wala sang ikasarang nga magpadulong sa mga malahalon nga restaurant para ma-treat ang ila mga loved ones sa isa ka espesyal nga okasyon sang Valentine’s Day ukon Adlaw sang mga Tagipusoon.
Liwat nakita sang mga pumuluyo ang interactive lights sa diin gin-entertenar sila sang acoustic band.
Wala man nagutuman ang mga pumuluyo nga nagpadulong sa lugar kagab-I bangud may yara sang mga food cart nga o;a ginbaklan sang mga pagkaon kasubong kwek kwek, fishball, tempura kag kickyam.
Ginpahayag ni Mayor Ronnie Dadivas nga nalipay man ini nga nagtilipon ang mga pamilya, magkahagugma, mga estudyante kag iban pa nga grupo sa diin nakita sini sa mga mata sang mga nagtambong ang ila kalipay kag enjoyment.
Nahibaluan nga una nga ginbuksan ang interactive lights agud mangin masanag ang Roxas City Plaza kag ginsundan sang pagtukar sang live band.
May ginpanghatag naman nga free drinks sa pila ka mga indibidwal.
Welcome naman ang pagjamming sang mga magkagugma kag sang magbarkada.
Ginakabig ni Samtang para sa alkalde nga adlaw adlaw Valentine’s Day sa diin indi lamang ini adlaw sang magkahagugma, kundi kalakip man sang magpamilya.
Samtamg agud indi na mangin matawhay kag diretso ang aktibidad, ginpakamaayo sang alkalde nga ipasarado ang mga dalanon sa Roxas City Plaza.
