Ginpamatbatan nga guilty sang korte sa Bacoor, Cavite ang aktor nga si Archie Alemania sa kaso nga acts of lasciviousness nga ginpasaka batok sa iya ni actress Rita Daniela.
Ginsentensyahan sang tubtob isa ka tuig nga pagkapreso si Archie kag ginmanduan man nga magbayad sang P20,000 bilang civil indemnity kag P20,000 bilang moral damages.
Suno sa abogado ni Rita nga si Atty. Maggie Abraham-Garduque, nalipay sila sa desisyon sang korte.
Matandaan nganag-umpisa ang kaso sa isa ka insidente nga natabo sang 2024, pagkatapos nga nagreklamo si Rita sa aktor bangud sa ginaalegar nga pagpangbastos kag malaswa nga mga pahayag samtang sila magkaupod sa isa ka salakyan pauli gikan sa isa ka event.
Gin-share man ni Rita ang screenshot sang iya mensahe kay Archie pagkatapos sang insidente, sa diin ginpahayag sini nga “wala siya gintahod kag ginlapas.” Sa nasambit nga mensahe, makit-an man nga nagapangayo sang pasaylo ang aktor kag nagasiling nga hubog siya sadto nga tion.
