ROXAS CITY – Panibag-o naman nga administrative kag crminal complaint ang ginpasaka ni anay Vice Mayor Alfonso Golero batuk Mayor Receliste Escolin sang banwa sang President Roxas, Capiz sa Office of the Ombudsman Visayas.
Kaundan sang anum ka panid nga complaint amo ang paglapas sang alkalde sa RA 917 ukon ang Philippine Highway Act of 1953, abuse of authority kag grave misconduct.
Nag-ugat ang reklamo sa pagpatindog sang alkalde sang streetlights sa national highway sang ginatawag Iloilo-Capiz road nga isa ka paglapas sa pagsulundan.
Napagkit pa sa reklamo nga ginalapas sini ang nasaad sa laye bangud indi mahimo nga makapatuman sang proyekto ang LGU sa national highway nga hurisdiksyon na sang DPWH.
Magluwas sini, ginreklamo man ni Golero ang pagbiyahe ukon official travel ni Mayor Escolin nga wala sang pahanugot gikan sa gobernador sang probinsiya.
