ROXAS CITY – Pormal na nga ginpauntat sang alkalde sang banwa sang Tapaz ang pagpataya sang small town lottery ukon STL sa ila lugar.
Sa pagpakig-angut sang Bombo Radyo kay Mayor Roberto Nonong Palomar, ginpahayag sini nga nagmandu na ini sa mga kapulisan nga dakpon ang ila makita nga nagapataya sang STL sa banwa.
Suno kay Palomar nga ginpa-untat sini ang STL sa ila banwa, bangud wala nagsunod sa ila nangin kasugtanan ang mga empleyado sang STL, kasubong sa pagsuksok sang ID ukon chaleko sang nagapataya.
Bangud diri nakakita sang opurtunidad ang nagapatigayon sang iligal nga aktibidad kag ila ginagamit ang STL para makapamentaha.
Magluwas diri, lipod sa ihibalo sang alkalde kun pila ang gina-remit nga kuwarta sa talatapan sang PCSO.
Bangud diri nadesisyunan sang alkalde nga ipauntat na lamang ang pagpataya sang STL sa ila banwa.
